A promoción do Software Libre

Últimamente ando a participar nalgunhas actividades de promoción do Software Libre. Fágoo por que considero que a súa adopción, especialmente por parta das institucións públicas, implicaría unha serie de benefícios sociais etecnolóxicos que nos beneficiarían a todos.

Posiblemente Brenlla teña razón: “cada quen na sua casa que use o software que lle de a gana”. Pero as administracións públicas a día de hoxe non teñen elección posible foras das múltiples que atoparán no mundo do Ssoftware Libre.

Ate fai pouco os que andabamos a dar a lata con esto do Software Libre, GNU/Linux e demáis andromenas erámos uns poucos tolos que ían por libre, polo menos así nos vian os demais. En realidade detras desos poucos tolos se atopaba un grande movemento pluriaquico internacional.

Recentemente algunhas institucións públicas empezan a cheirar que algo se move detras diso do Software Libre, e ainda que non saben moi ben de que vai quérense subir ó carro, por si acaso. O que sucede é que grandes institucións internacionais (aqui ou aqui) recomendan o seu emprego e cada vez máis grandes empresas (IBM, HP, DELL) optan por apoiar os seus negocios nas ferramentas que o Software Libre proporcionan, ou mesmo en empregar o seu modelo de desenrolo para os seus propios productos.

Así é máis facil que os governos, desde os locais ós estatais, confien máis en eso do Software Libre, ainda que non cheguen a entender moi ben que o diferencia do “software normal”. Ainda así, a sua adopción faise de forma discreta. Moitas veces incluso de xeito simbólico ou mesmo só de cara ó escaparate (sei dalgunha oficina da Xunta na que se pode ver un ordenador con Ubuntu GNU/Linux na entrada, nun escritório perfeitamente ordenado e limpo, mentras no interior das oficinas tódolos equipos funcionan con software privativo).

No que poñen máis enfase, máis que en empregar o Software Libre, é na sua promoción pública. En poñer as verbas “Software Libre” en calesquera carteis e anuncios nos que podan. E que sáben que esas palabras benden. Polo menos a un certo sector da sociedade. Así que ¿por que non poñer contentos a uns poucos?. Apoiemos o Software Libre, a liberación da muller e o acceso da mocidade ó emprego e á vivenda digna. Como non. Ninguén tería pelotas a afirmar algo distinto.

O que sucede é que o Software Libre nunca necesitou de promoción. Desde que xurdíu o concepto, o Software Libre moveuse grazas á necesidade. Stallman creou GNU porque lle facia falta. Torvals creou Linux porque o necesitaba. E os centos, milleiros de persoas que participaron no desenvolvimento destas ferramentas o fixeron porque viron a sua utilidade e sentiron que as necesitaban.Os usuarios que adoptamos as ferramentas informáticas de software libre o facemos porque o necesitamos. Por que estamos cansos de perder horas de traballo, paciencia e enerxía pelexando con ferramentas que non nos deixan traballar. Esta é toda a promoción que necesita o Software Libre.

Desde que se empezou a falar de Software Libre, este foi gañando adeptos e mercado de xeito paulatino e imparable. Os motivos son que é accesible, útil, práctico e que o seu sistema de desenrolo permite que medre e mellore a un ritmo e cunha eficacia que ningunha compañía productora de software podería igualar nin achegarse de lonxe. Fronte a isto non é necesario promoción. A promoción pode facer que este proceso se acelere, pero o proceso é imparable.

Por outra parte, a suposta promoción realizada polas entidades públicas vai dirixida ó usuario particular, ó usuario domestico. Mellor dito, ó votante. Este non é un público especialmente interesante para o Software Libre. Desde logo que é interesante, pero non o máis interesante. A xente da rua, os votantes pódense beneficiar moito do emprego do Software Libre, pero é dificil que os votantes beneficien directamente ó Software Libre. O Software Libre é beneficiado máis directamente polo usuario técnico, polo usuario profesional. O usuario que sí é quen de comprender a diferencia entre o Software Libre e o privativo. O que é quen de comprender o xeito en que funciona a inmensa comunidade de persoas que están detras da creación do Software Libre e é quen de incrustarse nesa comunidade para apoiar ó seu desenrolo.

Señores políticos. Deixen de apoiar ó Software Libre. Adópteno. Aforrennos millons de euros en licencias estériles. Aforrennos millons de euros saindo cara outros paises de xeito innecesario e sen producir beneficio algún. Abran mercado laboral de novas tecnoloxías na nosa terra. Permitan que os cidadáns podan acceder a unha administración electrónica real. Garantan a confidencialidade os nosos datos privados. Actuen con responsabilidade e adopten o emprego de Software Libre, de unha vez e sen medias tintas, en tódolos ambitos da administración pública.

O Software Libre se defende ben sen a sua axuda. Non o amolen.